Kush jemi ne
Ëndrra jonë është të jemi kishë që kemi IMPACT në komunitetin që na rrethon, duke ndihmuar ata që nuk e njohin Perëndinë ta njohin Atë dhe ta bëjnë të njohur tek të tjerët.
Ne ekzistojmë të DUAM Perëndinë, të DUAM njerëzit, ndërsa bëjmë dishepuj që bëjnë dishepuj, dhe mbjellim kisha që mbjellin kisha.
Shiko se si e shohim ne Zotin, Jezusin, Biblën, njeriun dhe disa nga aspektet e rendësishme të besimit tonë. Dhe si kishë i marrim vendime duke u bazuar në Fjalën e Perëndisë.
Mëso gjashtë vlerat që e bëjnë të qartë vizionin e kishës Impact Tirana. Këto vlera reflektojnë prioritetin tonë të arrijmë njerëz për Ungjillin.
STAFI DREJTUES
IMPACT TIRANA
Samuel Topi
Pastor i Kishës
Erada Topi
Dishepulluese e Vajzave dhe grave
Lonard Sadiku
Drejtues Adhurimi
Anxhela Sadiku
Financiere/ Drejtuese e shërbesës së Fëmijëve
Kisha Impact Tirana u themelua në zemrat e Elton dhe Ida Llapushi, të cilët në vitin 2019 patën një dëshirë të fortë për të mbjellë një kishë në Tiranë. Pas mbledhjes së ekipit të parë, Kisha Impact Tirana u lançua zyrtarisht në janar 2020, duke shënuar fillimin e një kapitulli të ri në qytet.
Në vitin 2021, Samuel dhe Erada u bashkuan me kishë si anëtarë. Me kalimin e kohës, ata ndërtuan një marrëdhënie të fortë me Elton dhe Ida, dhe kjo nisi një kapitull të ri ku Samueli u bë pastor I të rinjve dhe Erada menaxhere së mediave sociale dhe sekretare. Ndërsa shërbenin së bashku, Zoti i udhëhoqi të dy çiftet në drejtime të reja. Elton dhe Ida u zhvendosën në SHBA, ku tani drejtojnë Lëvizjen e Kishave Impact, një iniciativë për mbjelljen e kishave, kryesisht e përqendruar në rajonin e Ballkanit. Më 1 tetor 2023, Samueli u shugurua si pastor i Kishës Impact Tirana.
Sot, Samueli dhe Erada janë të bekuar që drejtojnë Kishën Impact Tirana. Ata janë gjithashtu të bekuar me një vajzë, Eloise Emily, dhe zemrat e tyre janë të përkushtuara për ndarjen e Ungjillit, për të qenë një dritë në mes të errësirës dhe për të bërë dishepuj të Jezusit në Tiranë, Shqipëri.